InicioA CORUÑAO uso do bus urbano medrou un 20% nos últimos 5 anos

O uso do bus urbano medrou un 20% nos últimos 5 anos

Publicada o

Por editor

Interesantes cifras que ofrece hoxe a Compañía de Tranvías, debullando como é o uso das 24 liñas de 24 líñas dos autobuses urbanos. A empresa, que conta cunha flota de 95 autobuses e 300 empregados, destaca que pechou 2024 batendo un récord de rexistro de viaxeiros con 27.547.184 millóns de usuarios, un 10,9% máis que en 2023, e un 19,8% máis que en 2019 (case 2 millóns de viaxes máis).

Pero máis importante se cadra é a tendencia, xa que segundo datos do Instituto Nacional de Estatística, o incremento do uso do autobús en 2024 con respecto a 2019 é do 19,9% na Coruña fronte ao 11% de media do territorio nacional.

Cómpre resaltar que as reducións do prezo do transporte público aplicadas dende o goberno central (do 30% en 2022 e do 50% dende comezos de 2023) foron chaves neste crecemento.

Como viaxamos en bus

No que respecta ao comportamento dos viaxeiros en autobús na Coruña, os datos revelan que o uso dos transbordos está a aumentar significativamente, tanto entre liñas urbanas distintas como entre liñas urbanas e interurbanas, acadando o 11 % dos desprazamentos en 2024, mentres que en 2019 roldaba o 8 %.

O pago a través de aplicacións móbiles alcanzou o 12,3% o ano pasado e segue aumentando no que vai de 2025, chegando xa ao 17%), fronte á redución do uso do efectivo nos pagos, que se sitúa nun 4%, nove puntos 2019.

Perfil Uso buses urbanos Coruna 2024

As liñas máis usadas

As liñas que reuniron un maior número de viaxeiros en 2024 foron, por orde:

  • A liña 14, que une Os Rosais e O Castrillón;
  • A liña 6, que vai de Monte Alto a Meicende;
  • A liña 11, que vai entre As Lagoas e o centro comercial Marineda City,
  • A UDC/24, que une a Praza de Pontevedra co campus de Elviña e A Zapateira.

No que respecta ás épocas do ano nas que os coruñeses usan máis o autobús urbano, destacan os meses de setembro a novembro, e entre semana son máis os viaxeiros entre semana que os fins de semana e festivos, destacando lixeiramente os mércores como o día con máis usuarios de luns a venres.

Uso buses urbanos Coruna mes a mes 2024

ÚLTIMAS

Sanitarios volven pedir medidas “inmediatas” contra as agresións: “Queremos traballar en condicións de seguridade”

Profesionais sanitarios secundaron unha nova mobilización ante o Hospital Universitario da Coruña para demandar...

Chisco Fdez. Naval: “Meus fillos tiñan que saber”

Estas semanas, a Asociación pola Recuperación da Memoria Histórica, coa colaboración municipal, está instalando...

As Veterinarias manifestaranse este domingo na Coruña esixindo a súa liberdade para prescribir

O sector veterinario ten dito basta. Xa este pasado martes, as clínicas de todo...

CCOO convoca unha manifestación na Coruña pedindo a modificación dos cambios na devolución do IRPF a mutualistas xubilados

CCOO convocou mobilizacións o día 20 de febreiro en toda España para instar o...

DEIXAR UN COMENTARIO

Please enter your comment!
Please enter your name here