InicioM.AMBIENTE E PATRIMONIOPP e BNG demandan máis transparencia do goberno local para clarexar o...

PP e BNG demandan máis transparencia do goberno local para clarexar o acordo extraxudicial de Nostián

Publicada o

Por Ubaldo Cerqueiro

Tralo anuncio do grupo de goberno da futura licitación do contrato da xestión da planta de Nostián, e mentres os traballadores seguen sufrindo a lamentable situación das instalacións, onte celebrabase a Comisión de Transparencia, presidida polo popular Roberto Rodíguez.

Con todo, os dous grupos da oposición denuncian a falta precisamente de “transparencia” do goberno municipal sobre o acordo extraxudicial que condona a débeda da actual concesionaria.

Dende o BNG, algo máis cautos, solicitan os s informes da asesoría xurídica e da intervención xeral do Concello. “Demandamos transparencia, que se nos explique que informes xurídicos e de índole económico avalan ese acordo extraxudicial. Son necesarios para formarmos unha opinión fundada sobre o asunto”, afirma Jorquera.

Máis crú foi o viceportavoz do Grupo Popular, e presidente da Comisión Roberto Rodríguez, denunciando que Lage Tuñas, “non presentou ningún motivo convincente que xustifique a decisión de non esperar a resolución xudicial sobre a cantidade reclamada á empresa que xestiona a planta de Nostián”, tras a sentenza firme que anula os pagos realizados entre o 2011 e o 2018 por un acordo do bipartito BNG-PSOE en 2011 e que foi declarado lesivo polo Goberno municipal do PP en 2015”.

O propio departamento xurídico, sinala Rodríguez, “recoñeceu na comisión que a decisión final de condonar os 7,3 millóns de euros á concesionaria é política e non xurídica, renunciando sen xustificación á firme defensa dos intereses dos coruñeses que levan anos privados dos cartos que pagaron á empresa sen necesidade de facelo”.
Rodríguez comparou a negociación como “o regateo nun mercado ou feira en lugar de esperar a unha decisión xudicial sobre a cantidade reclamada”, e criticou que haia “informes da Consellería de Medio Ambiente, asesoramento xurídico e intervención municipal dende febreiro de 2024 que avalan a reclamación íntegra”.

Máis novas

Os traballadores de Nostián: “Estamos co salario conxelado de 2012, e só se actualizarán cunha nova concesión”

A alcaldesa da Coruña, sobre o acordo extraxudicial de Nostián: “É bo e molesta que agora desbloqueemos isto”

Que opinan PP e BNG da condonación e licitación da xestión da planta de Nostián?

O Concello da Coruña licitará a xestión da planta de Nostián no segundo semestre do ano

 

ÚLTIMAS

A Garda Civil da Coruña recupera 16.700 euros e bloquea outros 126.000 en fraudes de investimento e estafas de factura

A Garda Civil da Coruña recupera 16.700 euros e bloquea outros 126.000 en fraudes de investimento e...

Dous alumnos do máster en Deseño, Desenvolvemento e Comercialización de Videoxogos da UDC gañan o Premio Amizade

Dous alumnos do máster en Deseño, Desenvolvemento e Comercialización de Videoxogos da Universidade da...

Residente únese ao boicot musical contra KKR e cancela o seu concerto no Morriña Fest

O rapero portorriqueño René Pérez Joglar, coñecido artisticamente como Residente, cancelou os seus dous...

Xustiza para Elisa Abruñedo: 28 anos de prisión para o seu asasino

A sección segunda da Audiencia Provincial da Coruña condenou a 28 anos de prisión...

DEIXAR UN COMENTARIO

Please enter your comment!
Please enter your name here