O Concello da Coruña destinará 3 millóns de euros a un plan de renovación dos centros cívicos municipais.

O plan, dividido en dúas fases, comezará coas intervencións previstas nos centros cívicos de Labañou, San Diego, O Castrillón, Os Rosais e a escalinata de Santa Lucía. As obras sairán a concurso nas próximas semanas.

Trátase dunha iniciativa que busca modernizar cada unha das 22 instalacións que hai abertas á cidadanía nos barrios da cidade, mellorando infraestruturas e equipamentos.

Dos mesmos, dixo que son “espazos fundamentais para os barrios, centros de convivencia esenciais”. Ademais, remarcou que se trata dun plan que se vai a pór en marcha “de inmediato”, neste primeiro semestre de 2025.

Primeira fase

O plan arrincará no Centro Cívico de Labañou, onde se investirán máis de 700.000 euros para mellorar a súa envolvente e as súas instalacións, con actuacións diversas na cuberta, o seu sistema de iluminación, ventilación e illamentos.
Tamén haberá melloras no Centro Cívico de San Diego, onde se renovará a súa fachada, se
mellorarán os seus sistemas de evacuación e tamén a súa cuberta e interiores, actuacións que contan cun orzamento de máis de 200.000 euros.

Ademais, no barrio do Castrillón actuarase sobre o centro cívico e a biblioteca, mellorando as cubertas, pavimentos e interiores, tamén renovando as instalacións de climatización na sala infantil. En total, a previsión do Concello é investir máis de 340.000 euros.

Actuacións como as que se executarán no Castrillón serán semellantes ás que se levarán a cabo no centro cívico e a biblioteca dos Rosales, onde haberá un investimento de 313.000 euros para renovar o sistema de impermeabilización na cuberta do edificio, entre outras melloras.
E, por último, nesta primeira fase tamén se actuará sobre o centro cívico da escalinata de Santa Lucía, onde se acometerán melloras de impermeabilización e nas instalacións eléctricas e contraincendios, ademais doutras actuacións no local social veciñal, por valor de 150.000 euros.