A alcaldesa da Coruña, Inés Rey, reivindicou o diálogo para que o deseño da fachada marítima da cidade sexa froito do “consenso” e destacou neste sentido os pasos dados “para que o proxecto saia como ten que saír”. Fíxoo, a preguntas dos xornalistas sobre o desmantelamento dos silos de Repsol no porto interior. “É evidente que imos dando todos os pasos oportunos”, incidiu para destacar que todas as administracións implicadas están “aliñadas” nese traballo.
Ao fío diso, lembrou que se acaba de abrir o período de propostas cidadás. “Aos poucos desenvolvendo o futuro da cidade, sen présa pero sen pausa, porque hai que facelo ben”, remarcou. Fíxoo sen querer entrar na débeda contraída pola Autoridade Portuaria polas obras do porto exterior da Coruña e como se abordará este asunto. “Procede falar no marco da comisión”, dixo sobre a constituída polas administracións e apelar neste sentido ao “respecto institucional”.
Solicitan a inclusión de máis información na web de Coruña Marítima
Recibidas unha vintena de propostas para o deseño da fachada marítima
