Este pasado martes, a praia do Orzán recibía a visita de 70 escolares (de 9 anos) e 5 profes de 3º de primaria do CEIP Sagrada Familia. Acompañados pola Asociación Mar de Fábula (co apoio da Deputación), especialistas en limpezas de areais, protagonizaban unha completa limpeza do areal herculino.
Se dende arriba parecía bastante limpo, a sorpresa levárona as crianzas cando foron debullando a cantidade de lixo que había entre o algazo, nunha liña de marea quechegara, cos últimos temporais, ata o propio muro do paseo marítimo, deixando grupos de conglomerados con pouca materia orgánica e moito residuo.
Había lixo de todas as cores e materiais, destacando a cantidade de toalliñas húmidas presentes. “Temos un problema enorme ca eficacia das depuradoras, pero como é un problema xeral, de toda España, parece que o problema é menor. Pero se non hai vontade de solucionar as EDAR (Estación Depuradora de Augas Residuais), polo menos, Ministerio para la Transición Ecológica y el Reto Demográfico , fagan campañas, informen á sociedade de que NADA, con excepción das 3Ps (pis, papel e popó), deben ser botados polo retrete”, explicaron os membros da entidade medioambiental.
En total, recolleron en apenas unha hora de traballo 55kg de lixo, e ademais de deixar máis limpo o areal viviron unha xornada de concienciación que seguramente non se lles vai esquecer na vida. “Non é o noso lixo, pero si é o noso planeta”, sempre recorda a entidade.
Tras a limpeza, a familia de Már de Fábula até o centro de ensino para a realización do obradoiro artístico con plásticos reutilizados de anteriores limpezas.
Máis novas
Entre Crebas: As persoas do CIS invitan á sociedade a limpar a Praia de Santo Amaro
