InicioCAMBREA alcaldesa de Cambre dimite despois dun ano á fronte do consistorio

A alcaldesa de Cambre dimite despois dun ano á fronte do consistorio

Publicada o

Por europapress

A alcaldesa de Cambre, María Pan, de Unión por Cambre, anunciou a súa renuncia tras un ano á fronte do consistorio despois de que substituíse no cargo, tamén por dimisión, a Óscar García Patiño, do mesmo partido.

Nunha carta dirixida aos veciños, confirma que o día 3 presentará a súa dimisión “nun exercicio de responsabilidade, respecto e agarimo polo meu pobo”. E é que, sostén, ao explicar os motivos, en que “a pesar de ter avanzado moito, a solución definitiva para poñer a Cambre no camiño da normalidade non acaba de chegar”.

Como sostivo no seu momento o seu antecesor, considera que é o momento de botarse “a un lado” ao entender que se están pondo “paus nas rodas” por parte da oposición á súa xestión.

“Fágoo para que os 11 concelleiros do PP, PSOE e BNG de Cambre, que están a boicotear sistematicamente todas as solucións que o goberno de Unión por Cambre está a pór encima da mesa, teñan que situarse á fronte e traballar desde o goberno”.

Na súa misiva, fai unha defensa do logrado citando, entre outras cuestións, o pago de case cinco millóns de euros en facturas a través de expedientes levados a pleno ou a adxudicación do contrato para a limpeza de colexios e o centro de saúde, así como a licitación de distintas obras.

“O ritmo de traballo é alto pero, desde o pleno de novembro, os 11 concelleiros de PP, PSOE e BNG de Cambre están a botar abaixo todo, pleno tras pleno, aferrándose aos informes técnicos en contra”.

“Son unha maioría e teñen en marcha unha estratexia política cuxo obxectivo é desangrar ao goberno de Unión por Cambre sen sequera valorar os danos colaterais que ten para o noso municipio o feito de votar en contra do pago de facturas de servizos prestados ou en contra da creación de postos de técnicos superiores”, engade.

Mentres defende que o consistorio non ten “débedas” con entidades bancarias, alega que a situación pola que atravesa obedece tamén a “unha excesiva burocratización” e “interpretacións cuadriculadas das leis, pero, sobre todo dunha oposición sen sentido de servizo público”.

ÚLTIMAS

Rapahel suspende o seu concerto minutos antes de comezar a súa actuación na Coruña

Raphael suspendeu o concerto previsto para a noite do sábado, 21 de novembro, no...

Ferido grave un mozo de 18 anos tras ser atropelado por un coche no paseo marítimo

Un mozo de 18 anos resultou ferido grave na Coruña tras ser atropelado por...

Centos de persoas protestan contra Vito Quiles na Coruña: amplo despregamento policial e berros contra o fascismo

Varios centos de persoas secundaron unha protesta na Coruña contra o "fascismo" ante a...

A Fiscalia investigará as ameazas de bomba en colexios da Coruña

A Fiscalía Provincial da Coruña abriu de oficio dilixencias de investigación tras os falsos...