Un cadáver foi localizado á primeira hora da mañá deste xoves nas inmediacións da Torre de Hércules, na Coruña, zona na que se buscaba a un turista alemán que caeu ao mar cando se facía unha foto.
Segundo informaron fontes de Salvamento Marítimo, foi a embarcación de Gardacostas, Mar de Galicia, a que localizou o corpo ás 8,30 horas nas proximidades da Torre. Ao lugar desprazouse a patrulleira da Garda Civil Río Jallas, que recuperou o corpo e trasladouno ao Porto de Oza. Ademais, foi informado a Policía Nacional.
Ademais, o Centro Integrado de Atención ás Emerxencias informou de que notificou a situación a Salvamento Marítimo, ao Grupo Acuático dos Bombeiros da Coruña e aos axentes da Policía Nacional e Local, que se desprazaron á zona para colaborar nas tarefas de rescate.
