O Partido Animalista (Pacma) secundou na Coruña unha concentración a nivel estatal este domingo para denunciar a nova normativa, aprobada no Congreso, que elimina a prohibición de cazar lobo ibérico no norte do río Douro. Así, baixo o lema ‘Salvar ao lobo ibérico’ unha decena de persoas concentráronse este domingo na praza de María Pita, onde entoaron cánticos como ‘todos unidos, lobo protexido’ e portou pancartas nas que se puido ler ‘non á caza’.

Esta mobilización enmárcase na campaña en defensa do lobo ibérico tras a votación, o pasado 20 de marzo, no Congreso para sacar á especie do LESPRE ao norte do Douro o que permitirá a caza que estaba limitada desde o ano 2021. As reivindicacións dos colectivos en defensa do lobo aluden tamén ás modificacións legais que poderían debilitar a protección do lobo en todo o país, entre elas, a inclusión de “eficiencia do sistema produtivo” como motivo para permitir a caza de especies protexidas, e que se condicione a protección do lobo ao sur do Douro a decisións futuras na Unión Europea.

PACMA reivindicou o “papel fundamental” desta especie no control doutras poboacións animais e no equilibrio dos ecosistemas e lamentou que esta “nova ofensiva” responde os intereses dos lobbies da caza e a gandaría intensiva. Esta concentración na Coruña súmanse aos diferentes actos en defensa do lobo ibérico que tivo lugar esta fin de semana en Madrid, en Valladolid, Barcelona, Bilbao, Xaén, Oviedo, Sevilla e Zaragoza.