InicioA CORUÑAAs traballadoras das grandes cadeas do téxtil volven protagonizar unha gran manifestación

As traballadoras das grandes cadeas do téxtil volven protagonizar unha gran manifestación

Publicada o

Por Ubaldo Cerqueiro

Nova xornada de manifestación das traballadoras do gran comercio téxtil e de calzado. As rúas das 7 cidades galegas, incluídas A Coruña, viron unha nova manifestación co gallo da   xornada de folga convocada pola CIG en defensa das condicións laborais e para rexeitar o convenio estatal que propon a Asociación ARTE (a Asociación Retail Textil de España que agrupa ás grandes multinacionais como Inditex, H&M, Mango, Primark ou Tendam).

I é que, en paralelo, esta mañá tivo lugar outra xuntanza da mesa negociadora en Madrid, na que a patronal insistiu nas súas propostas regresivas e de recorte de dereitos. Unhas propostas que foron preacordadas polos sindicatos CCOO e Fetico, e aos que se poñen CIG e UGT.

Manifestacion CIG Traballadoras Textil 2

Roberto Pérez, representante da CIG-Servizos na comisión negociadora, explica que “se están facendo pequenos retoques” para intentar presentar como melloras “o que na realidade para as traballadoras Galiza non significaría nada porque son cuestións que xa están recollidas nos convenios provinciais”.
Así ocorre co recoñecemento do descanso de 15 minutos dentro da xornada laboral como tempo de traballo efectivo, pero empeorando o que contemplan os convenios provinciais xa que este dereito só se lle mantería ao persoal actual e non se lle aplicaría ás novas incorporacións.

A patronal tamén aclarou que entende por “consolidación” de horas complementarias o 30% da media das realizadas durante dous anos (excluíndo as motivadas por substitucións); considerou un esforzo enorme un 50% de incremento das horas extraordinarias, así como estabelecer o período de vacacións entre o 1 de xuño e o 30 de setembro. “Ningunha destas cuestións mellora as condicións actuais das traballadoras do comercio galego”, concluíu Pérez. As próximas reunións quedaron fixadas para o 27 e 28 de maio e o 2 de xuño.

Máis novas do conflito

 

ÚLTIMAS

(VÍDEO): Desaloxan varios colexios da Coruña tras recibiren sendas falsas ameazas de bomba

Mañá axitada en varios colexios da cidade. Os CEIP Zalaeta, CEIP Raquel Caamacho, o...

Máis dun centenar de obras preséntanse aos Premios Mestre Mateo, con entrega de galardóns en febreiro

Un total de 155 obras presentaron candidatura aos XXV Premios Mestre Mateo, cuxa gala...

A Coruña aposta por un Nadal “sustentable e responsable” nunha nova edición da Casa dos Xoguetes

O Concello da Coruña, a través da Oficina Municipal de Información ao Consumidor (OMIC),...

O coruñés Daniel Agra regresa ao India Photo Fest con catro fotografías

O artista galego Daniel Agra presenta catro fotografías da súa serie Tesseract Daydreams no...

DEIXAR UN COMENTARIO

Please enter your comment!
Please enter your name here