Esta mañá celebrouse na Mariña un acto institucional de homenaxe aos 25 anos de historia da Asociación de Danos Cerebral da Coruña (ADACECO). Ducias de persoas formaron un número 25 xigante na explanada do Paseo, unha acción simbólica concibida para visibilizar o traballo da entidade.
O acto estivo presidido por Juan Luís Delgado, presidente da asociación, que estivo arroupado pola subdelegada do Goberno na Coruña, María Rivas, a alcaldesa, Inés Rey; a deputada provincial Yoya Neira; a delegada territorial da Xunta, Belén do Campo.
Todos loubaron o traballo para dotar ás persoas con dano cerebral adquirido dun servizo de coidado de primeiro nivel na cidade da Coruña. Porque con dano cerebral adquirido é un problema que afecta máis de 430.000 persoas e toda España, 7.000 en Galicia e máis dun milleiro na cidade da Coruña. De feito, esta enfermidade é a segunda causa de morte en homes e a primeira en mulleres.
Adaceco, que arrincou a súa andadura con Carmen Fernández Quiroga á fronte, conta, a día de hoxe, con máis de medio milleiro de socios e, a medio prazo, disporá de novas instalacións en Eirís, onde está en marcha a construción do seu novo centro de neurorrehabilitación, unha obra que arrincou a inicios de outubro.
