InicioARTEIXOPersoal das auxiliares de Inditex mobilízase por unhas condicións salariais dignas

Persoal das auxiliares de Inditex mobilízase por unhas condicións salariais dignas

Publicada o

Por editor

Nova concentración por problemas laborais arredor do imperio Inditex, demostrando as diferencias de trato entre os diferentes colectivos laborais. Desta volta, foi o persoal de Sodexo (responsable dos comedores), Samsic (da limpeza) e Veolia (do mantemento), tres das principais contratas de Inditex que aglutinan a unhas 300 persoas, o que se concentrou este venres diante de sede da multinacional para reclamar condicións salariais dignas e defender os seus dereitos.

A protesta prodúcese no marco da renovación dos acordos de melloras que operan nestas contratas, que prestan servizos imprescimdibles para o funcionamento diario das instalacións de Inditex en Sabón.

Roberto Pérez, secretario comarcal da CIG-Servizos da Coruña, explica que nun primeiro momento tentouse unha negociación conxunta con todas as contratras, pero as empresas pecháronse en banda a esta posibilidade. As negociacións, xa que logo, desenvólvense por separado con cada auxiliar pero as melloras salariais que ofrecen “son ridículas”.

Diante disto, o persoal acordou mobilizarse diante de Inditex, xa que é para a multinacional para quen prestan servizos e é Inditex quen determina os orzamentos das súas contratas. “Cando Inditex presenta as contas presume que a media do salario na compañía é moi elevada, pero non ten en conta os salarios de todo o persoal que está nestas contratas”, subliña Pérez.

Concentracion_Auxiliares_Inditex_2025 2

Apunta que o traballo que realizan as traballadoras e traballadores destas empresas está externalizado co único obxectivo de precarizar as condicións e abaratar custos salariais, porque as tarefas que fan “son imprescindíbeis para que as instalacións abran cada día”.

Por iso, “nun contexto de beneficios mil millonarios e en constante expansión do grupo Inditex, as traballadoras e traballadores das auxiliares non están en disposición de asumir unhas condicións laborais e salariais de precariedade, como evidenciou a alta participación na concentración deste venres”.
“Merecemos chegar a fin de mes. Non pedimos máis que un salario e condicións acordes coa gran empresa para a que traballamos”, aseveraron. E neste sentido, de non producírense avances substanciais na negociación, as asembleas de persoal xa abordaron a posibilidade ir a unha convocatoria de folga.

Máis novas

Dereito de rodada

ÚLTIMAS

A presidenta do COAG desmonta o proceso da Fachada Marítima: “O que vexo é que a Autoridade Portuaria quere sacar rendemento económico”

"As bases estratéxicas non parten dun consenso previo coa cidadanía, polo tanto deberían...

6,2 millóns de euros para primeira fase de mellora de equipamentos deportivos

O Plan de Mellora de Equipamentos Deportivos nos barrios do Concello da Coruña conta...

Máis de 300 persoas secundan cunha marcha a denuncia polos recortes nos CEIPs de Oleiros

Ambiente reivindicativo e festivo o vivido este pasado sábado na marcha organizada pola ANPA...

Sabela adica o seu novo traballo a Maruja Mallo

Novo traballo vén de presentar Sabela. A artista, natural de Viveiro pero herculina de adopción acaba...

DEIXAR UN COMENTARIO

Please enter your comment!
Please enter your name here