Continúa o proxecto Entre Crebas loitando contra o lixo mariño nos nosos areas. A Asoc. Mar de Fábula, xunto coas persoas residentes no CIS (Centro de Inserción Social) da Coruña, manteñen este ano o máis limpo posible o areal de Santo Amaro, nunha acción mensual de concienciación medioambiental e de inclusión social.
Esta pasada semana, na 4ª limpeza do curso, tiveron unha colaboración especial: 14 persoas usuarias de ASPRONAGA, que coa súa marabillosa enerxía completaron unha xornada de inclusión e integración total.
A xornada de limpeza, o pasado mércores 30, coincidía despois duns días de sol, e a praia de Santo Amaro sufría as consecuencias desta sociedade que non para de consumir e tirar. Despois de dúas horas de traballo entre limpeza e caracterización do lixo apañado por uns voluntario activos e centrados neste traballo de limpeza do mar, os 30 salvadores recollían 518 cabichas (5 cabichas por metro lineal de praia). Unha auténtica salvaxada, que demostra que a sociedade segue sen concienciarse do impacto do tabaco nas contornas naturais. Co fácil que é levar un pequeno cinseiro onde levar as cabichas de volta.
“É unha vergoña a enorma cantidade de cabichas que apañamos nas praias e, nestos pequenos areais, é xa un escándalo”, reflexionan dende de Már de Fábula, máis cando “o concello da Coruña ten prohibido fumar nas praias dende o ano 2020 pero hai xente incívica que non fai caso. A única solución sería facer a norma máis estricta e comezar a multar”, avisan.
Non foi o único que rescataron da praia, e salvaron de volver ao mar, sen en total 896 elementos de lixo mariño recollidos. Entre eles, 155 envases e bolsas de plástico, 35 anacos porexpan, 88 anacos plástico ríxido >2,5 cm, 43 cordas & aparellos de pesca, 7 servilletas de papel, 25 bastonciños de algodón, 2 tablas de pallet, 20 paos de xeado, ou 3 botellas vidro.
Máis novas
Entre Crebas: As persoas do CIS invitan á sociedade a limpar a Praia de Santo Amaro
Cando as persoas privadas de liberdade se convirten en “axentes do cambio”
