Menuda fin de semana para a familia de Maristas. O equipo colexial desprazábase a Vilagarcía de Arousa para disputar a fase de ascenso a toda unha Liga Challenge, a segunda división do baloncesto feminino estatal. E o equipo de Fer Buendía fixo soñar a toda unha envorcada afección que encheu o pavillón Sara Gómez, e que fixo vibrar ás xogadoras.
A fase comezaba con vitoria o sábado e derrota do sábado. O gordo chegaba na mañá do sábado, cando tras unha tremenda remontada, o equipo gañaba 53-58 a Mataró e conseguía meterse na finalísima.
Comezaban ese terceiro partido da fase moi mal as herculinas, cheas de nervios e imprecisións, chegando a estar 30-8 abaixo. Pero pouco a pouco, foron collendo peso na pista, confiando nos sistemas traballados, e cunha Solo Amusan espectacular (21 puntos) e unha Raquel Botana moi firme (12 rebotes e 5 asistencias), o equopo acabou meténdose na final.
View this post on Instagram
Esperaba o Logroño na gran final. Vilagarcía ruxía, pero o equipo non puido. Aguantou, sempre a remolque, nun partido moi igualado ata o último cuarto, cando un 6-17 acabou decantando a balanza para o Bosonit Unibasquet que vencía por 49-62, sen desmerecer a hisstórica campaña das colexialas. Notaron, iso si, o esforzo dos 5 días de competición as herculinas.
Cómpre destacar o esforzo do club para afrontar unha fase coma esta que apesar de ser preto da casa necesitou tirar de axenda para conseguir a colaboración, neste caso de Resonac, para afrontar o gastos da fase.
