Dúas persoas resultaron feridas esta mañá de xoves nun accidente acontecido ás 8:35 en Arteixo. Un dos vehículos, un Volkswagen Touran, caía por un terraplén e a condutora tivo que ser excarcerada polos bombeiros do parque provincial de Arteixo. Tamén estivo implicado un Peugeot 206.
As dúas persoas condutoras foron trasladadas ao CHUAC por medios sanitarios. Completaron o servizo Policía Local, Garda Civil e 061.