Na manifestación polas Letras Galegas desenvolta o sábado 17 de maio en Compostela había moitas mensaxes. Pero unha seguramente se convertirá na camiseta do verán: “Galego por diante”.
Promovida pola Asociación ”Do galego ao portugués”, esta camiseta, aberta a todas as asociacións do país, busca facer reflexionar aos nosos políticos de que a nosa lingua tense que poñer por diante todo.
Falamos cun dos promotores, Enrique Sáez, que lucíu o lema, con gran aceptación, polas rúas de Compostela, dando conta da “gran preoupación que existe no país pola nosa lingua, que vai esmorecendo de vagar”. Con todo, recoñece a importancia de saír á rúa a manifestarse: “Isto vale para reivindicar o uso dunha lingua que é parte da alma do noso pobo, e que ademais serve para falar con medio mundo. Hai que facer moitas máis cousas pero manifestarse sempre está ben”.
- Como nace esta camiseta?
Trátase dunha iniciativa dunha pequena asociación do galegoportugés (DGAP), que pensamos a finais do ano pasado que había que facer algo. Empezamos a deseñar primeiro un lema, “Galego por diante”, porque o lema é importante. Hai que pedir, reinvidicar, esixir pactos políticos, pero todos os que sentimos isto temos que poñer o galego por diante e comezar a falalo sempre. Gustaríame que os políticos falasen en galego nas tribunas, e que cando entraras nunha oficina pública, nos falaran en galego. Pero polo camiño hai moito que facer.
Gustaríame que a mocidade levase este lema posto este verán, porque obrigaría a pensar algo máis aos responsables políticos que temos”.
Unha vez tivemos o lema, o deseño chega gracias a un gran deseñador gráfico xubilado, que colaborou de balde coa iniciativa. Nas costas leva unha nube de países nos que se fala galego versión portuguesa.
Ademais, a través dunha empresa comprometida, temos confirmadas unhas boas condicións de produción, o que permite que todas as Asociacións poidan participar na súa distribución.
- Como é iso?
Temos unha camiseta cunha declaración, temos un bo deseño, temos un prezo razoable, pero ademais é que calquera tipo de asociación ou entidade dedicada á cultura, de festas, deportivas… pode comprar directamente ao fornecedor, ao mesmo prezo que o fai DGAP, pois isto non é un negocio para a Asociación. É algo que compre facer para que os galegos nos sintamos máis preto da nosa lingua. Canta máis xente entre na distribución e na venda máis lonxe chegará a mensaxe.
Así, a través de galegopordiante.gal calquera entidade pode recorrier cos datos da empresa fornecedora, que ten o pacto de manter os prezos, e facer encargas mesmo co logo da propia entidade, ou variando as calidades.
Outras novas
O IES Rafael Dieste segue facendo historia da normalización co II Festival #Aquítaménsefala
Lamentan que non se permitise a entrada a Riazor dunha faixa co lema “O Dépor é da Coruña”
