O Concello vén de informar dunha importante novidade para facer realidade unha das demandas históricas máis importantes do barrio da Agra do Orzán. Un barrio que leva décadas esixindo unha zona verde decente baixo o lema de Parque da Agra XA! e que parece que pode estar de noraboa, porque dúas administracións (do mesmo partido) conseguiron poñerse dacordo
O Concello vén de informar de que acaba de concretar un paso clave para acometer a creación do parque do Observatorio. O Concelleiro Lage Tuñas explicaba no pleno desta mañá, que “esta mesma semana recibimos o oficio da AEMET no que se nos comunica a aprobación da concesión demanial a favor do Concello da parcela do parque do Observatorio”. Un paso administrativo sen o que “o Concello non podería actuar nunha
parcela da que non ten a titularidade ou a cesión. Agora, por fin, xa a temos, e poderemos licitar a execución do parque do Observatorio, derrubar os muros e dotar a un barrio que o precisa dunha zona verde de calidade”, expresou Lage.
Seguro que veciñanza o celebran na FoliAgra deste sábado!
Máis novas
#ParquedaAgraXa: O clamor da Agra do Orzán por unha zona verde volveu invadir as rúas
