A Comisión pola Recuperación da Memoria Histórica (CRMH) da Coruña solicitou a declaración do antigo cárcere provincial desta cidade como Lugar da Memoria.

Foi mediante un escrito ante a Dirección Xeral de Promoción da Memoria Democrática e coas determinacións recollidas no artigo 50 da Lei 202/2025 de Memoria Democrática.

Nel, recóllese un resumo da singularidade deste espazo como “lugar de memoria da represión, con historias de vidas truncadas, de sufrimento, abusos e crimes impunes do franquismo que deixan claro o significado do lugar”, sinala a CRMH.

A entidade, nun comunicado, insta, ademais, ao Concello da Coruña a que actúe “sen demora” e exerza as súas competencias relativas aos deberes legais de conservación ante o que cualifica como “pasividade” do Estado nesta materia.