A Policía Nacional recibiu este martes, día 17, unha chamada dunha muller para avisar dun intento de agresión sexual nun aseo público feminino da praia de Riazor, na Coruña. Así o confirmaron fontes próximas ao caso consultadas por Europa Press, as cales inicialmente apuntaron que non se interpuxo unha denuncia formal en sede xudicial pero posteriormente confirmaron que si.

As mesmas expuxeron que ao redor das 15.00 horas recibiron “unha chamada dunha muller que estaba nos baños de Riazor e que sufrira un intento de tocamentos por parte dun home”. Varios efectivos, engaden, desprazáronse ata o lugar onde realizaron unha procura pola zona pero “non se localizou á persoa” presunta autora dos feitos.

Máis novas

Prisión provisional para o detido acusado de matar a súa parella na Coruña