Anunciou onte o Concello da Coruña a saída a concurso das obras de rehabilitación do antigo mercado de Santa Lucía, unha actuación que suporá un investimento total de 10,3 millóns de euros e que aparella a construción dun novo centro de saúde e dun centro cívico, entre outros equipamentos públicos.
Unha obra que leva máis de 15 anos esquecida, absolutamente necesaria para a rexeneración do barrio da Falperra e o Ensanche, atendendo á necesidade de buscar unha alternativa ao ambulatorio de Federico Tapia.
Oprazo para presentar ofertas e optar á adxudicación das obras será de 30 días naturais desde que se publique a licitación na Plataforma de Contratación.
Fíxase un prazo de execución de 18 meses desde a posta en marcha dos traballos, que se preve que comecen antes de que remate o ano.
