O Concello da Coruña creará o Consello Económico e Social para implicar á cidadanía na xestión e planificación da cidade, segundo informou a alcaldesa, Inés Rey.
Fíxoo na rolda de prensa para dar conta dos asuntos abordados na Xunta de Goberno local na que se aprobou a extinción da concesión para a xestión do aparcadoiro do mercado de Monte Alto para licitala de novo este ano.
Entre as irregularidades do concesionario, figuraba non pagar nunca o canon nin os impostos correspondentes. “É un problema arrastrado tras sucesivos gobernos ao que agora pomos solución”, indicou Inés Rey.
Na mesma reunión, deuse luz verde á creación e posta en marcha do Consello Económico e Social, un órgano consultivo e de participación que ten como obxectivo implicar á cidadanía a través dos seus representantes na xestión e planificación.
