Os Bombeiros da Coruña traballan na extición dun incendio rexistrado nunha vivenda da rúa das Camelias, no barrio das Flores.

Segundo indicaron fontes do 112 Galicia, o lume comezou sobre as 13.30 horas deste venres e foi unha veciña a que deu a voz de alarma e detallou que había moito fume no edificio.

Tamén varios particulares que se atopaban na rúa alertaron á central de emerxencias. Desta forma, ata o punto desprazáronse os profesionais de Urxencias Sanitarias de Galicia-061, os Bombeiros da Coruña, Policía Nacional e Policía Local.