Investigadores da Universidade da Coruña (UDC) participan nun estudo para predicir inundacións a través da intelixencia artificial, segundo informa o reitorado. En concreto, un equipo de investigadores do CITEEC lidera esta proposta, que combina tecnoloxía avanzada e modelos físicos para mellorar os sistemas de alerta temperá.

O obxectivo é incrementar a fiabilidade e a eficiencia dos modelos de previsión de precipitacións, caudal e inundacións utilizados na actualidade. A investigación forma parte do proxecto ‘Mellora das previsións xeradas con modelos de base física mediante técnicas de intelixencia artificial’, no que traballan investigadores do Grupo de Enxeñaría da auga e do Medio Ambiente (GEAMA).