Dous dos seis feridos nun atropelo múltiple no centro da cidade herculina foron dados de alta hospitalaria — entre eles un menor — mentres os outros catro seguen ingresados no Complexo hospitalario universitario da Coruña (Chuac).
Dos outros catro ingresados, tres mulleres e un home, un está en coidados intensivos e os outros tres están na unidade de traumatoloxía.
O suceso produciuse este mércores, día 27, ás 12.20 horas na rúa Juana de Vega cando os peóns “estaban a cruzar debidamente” por un paso de peóns. O condutor responsable do suceso foi detido e practicáronselle as correspondentes probas de drogas e alcol. Posteriormente, foi ingresado no Hospital de Oza por orde xudicial e baixa vixilancia policial.
Nado en 1974 e con domicilio na Coruña, o home estaba aparcado nunha área reservada desa rúa e arrincou o coche cando as persoas comezaron a cruzar, segundo o mesmo recoñeceu aos axentes.
Detido un condutor por un atropelo múltiple con seis feridos en Juana de Vega
