Despois de varios meses de denuncias, a veciñanza de Celas de Peiro (Culleredo) concentrábase esta pasada mañá de sábado 6 de setembro para unha reivindicación moi básica: unhas beirarrúas para poder transitar con seguridade polo lugar a través da perigosa AC-400.
A andaina reivindicativa xuntou nada menos que a 76 persoas (numerosas familia), que baixo o berro “Beirarrúas, e non excusas”, atravesaron o lugar esixindo unha solución xa.
Comezo de cole
Non quedou aí a cousa porque hoxe mesmo, no comezo de cole, realizaron unha concentración diante da escola infantil (segundo ciclo: 3-6 anos) de Vinxeira, correspondente ó CRA de Culleredo e que se atopa en Vinxeira Pequena (Celas), para mostrar como os cativos teñen que acceder ó centro, sen beirarrúas, paso de peóns e cun acceso que da directamente a un dos carriles da estrada.
Fixeron unha acción divertida, cun paso de peóns de papel imitando as manchas dunha vaca para que os nenos entren na escola, deixando patente que o último chanzo das escadas (viva a accesibillidade) cae practicamente enriba da raia branca do carril da estrada.
Máis novas
A veciñanza de Celas segue a súa loita polas beirarrúas na AC-400
A veciñanza de Celas esixe unha simple beirarrúa para poder saír andando das casas
