O Destacamento Fiscal e Fronteiras da Garda Civil do Porto da Coruña investiga a dúas persoas acusadas de roubar 12 nasas de pesca no peirao de Oza, situado no recito do porto.
Segundo informou o Instituto Armado nunha nota de prensa, o afectado presentou denuncia o pasado 4 de setembro comunicando que lle subtraeron 12 nasas de pesca.
Por mor da denuncia, os axentes iniciaron unha investigación para tratar de constatar a veracidade dos feitos, recuperar os efectos subtraídos e identificar os autores.
Así, a Garda Civil logrou determinar a presunta autoría dos feitos e localizou tanto aos responsables como os obxectos roubados. Deste xeito, procedeuse á investigación destas dúas persoas como presuntos autores dun delito de furto e á incautación dos efectos atopados, que foron restituídos ao seu lexítimo propietario.
