A inicios da semana que vén, previsiblemente o martes, o Concello prevé reabrir ao tráfico a avenida da Sardiñeira, tras completar a renovación do firme da calzada. Se ben as obras aínda non fican rematadas, si que se afronta xa a fase final de traballos da reurbanización da contorna da futura estación intermodal. Unha obra que supoñen un investimento de 1,5 millóns de euros.
Cambios nas rúas
O Concello habilitará o xiro á esquerda cara á rolda de Outeiro na confluencia da rolda coa avenida da Sardiñeira.
Ademais, tras os estudos efectuados polo persoal profesional da área e as reunións mantidas coas e cos residentes no barrio, estes días xa se está a traballar na sinalización e no pintado dos cambios de sentido que entrarán en vigor este luns 29 nas rúas Francisco Catoira, Mariana Pineda, Borrallón e o treito de San Rosendo que conecta Francisco Catoira coa avenida da Sardiñeira.
