Falabamos esta semana das intencións do Plan de Coruña Marítima. Un Plan que segue avanzando e que hoxe foi tratado no Consello de Ministros, que vén de autorizar a proposta Ministerio de Transportes e Movilidad Sostible, a firma do convenio entre o Concello da Coruña, a Xunta de Galicia, Adif, Portos do Estado e a Autoridade Portuaria da Coruña para o financiamento conxunto da elaboración do Master Plan que desenvolverá o proxecto Coruña Marítima.
O convenio establece que o orzamento de 3.315.000 euros para elaboralo e a súa asistencia técnica será financiado en dúas terceiras partes pola Administración Xeral do Estado:
- Portos do Estado, a AP A Coruña e Adif achegarán 736.666 euros cada un.
- Xunta de Galicia e o Concello da Coruña achegarán 552.500 euros cada un.
As administracións que colaboran neste proxecto comprometéronse a desenvolver a accesibilidade e usos cidadáns nos novos espazos mantendo a compatibilidade coas actividades portuarias que permanezan.
O Máster Plan para a Coruña Marítima saía a semana pasada, por segunda vez, a concurso público e espérase que estea resolto a principios do outono de 2026. O adxudicatario deberá presentar a mediados de 2027 o proxecto que transformará a fronte marítima da Coruña.
