Unha moza tivo que se trasladada ao centro hospitalario de referencia tras un incendio nun ximnasio da rúa Emilio González López, na Coruña.

Segundo a información do 112 Galicia, o suceso produciuse sobre as 16.30 horas deste mércores e foron varios particulares os que deron a voz de alarma. Un deles explicou que escoitou algún tipo de explosión e que quedase rota a porta de cristal da entrada.

A central de emerxencias alertou aos Bombeiros da Coruña, á Policía Nacional, á Local e aos profesionais do Servizo de Urxencias Sanitarias de Galicia-061, que trasladaron a unha moza ao hospital de referencia.

Os Bombeiros seguen traballando no punto con tarefas de ventilación do local que foi afectado o lume.