A Xunta concluíu a declaración dos murais de Lugrís como ben de interese cultural, segundo a resolución publicada pola Consellería de Cultura, Lingua e Xuventude no Diario Oficial de Galicia (DOG). En concreto, recoñécense as doce obras coa máxima protección pola súa alta calidade artística, sublíñase na citada resolución, que se fai oficial coa publicación este xoves.

No mesmo, púxose en valor que se trata dun conxunto artístico complexo e cun carácter excepcional. Este recoñecemento eleva até os 792 os elementos que contan con esta distinción en Galicia. No DOG sublíñase que este conxunto de murais ten dentro de toda a produción artística de Urbano Lugrís “un carácter excepcional pois estamos ante unha composición na cal a pintura e a arquitectura forman parte dun todo único e só como tal poden comprenderse na súa auténtica dimisión artística”.