O delegado do Goberno en Galicia, Pedro Blanco, rexeitou que a plataforma experimental de eólica mariña de Langosteira, en Arteixo estea “paralizada”. “Está a facerse, vaise facer, que a Xunta teña absoluta seguridade porque traballamos ao seu lado, estamos na mesma onda”, contestou a preguntas dos xornalistas sobre este asunto tras denunciar o Executivo autonómico “agravio comparativo” deste proxecto respecto a outras comunidades.

“Non é momento de exporse se van a unha velocidade ou a outra, estamos a apostar directamente pola enerxía eólica e levará adiante”, insistiu. Fíxoo tras apuntar que “a diferenza doutros sitios, en Punta Langosteira está a rematarse a conexión ferroviaria” e por este motivo “non traballa en canto a tempos igual”.