A Delegación do Goberno en Galicia outorgou á Deputación da Coruña o recoñecemento Menina 2025 polo seu traballo na “prevención, atención e erradicación da violencia de xénero en todo o territorio provincial”.
Segundo traslada o ente, o premio concédese no marco do Día Internacional da Eliminación da Violencia contra a Muller e destaca “unha traxectoria que abarca os 93 concellos da provincia, beneficiando a máis de 1,1 millóns de habitantes, dos cales 587.925 son mulleres”.
Para a deputada de Política Lingüística, Igualdade e Dereitos Civís, Sol Agra, este galardón é “un recoñecemento ao traballo de moitas persoas e entidades que durante anos veñen loitando contra a violencia machista na nosa provincia e é un estímulo para seguir avanzando cara a unha sociedade libre de violencia de xénero”.
O fallo do xurado destaca especialmente o investimento anual de 450.000 euros destinada a financiar persoal técnico especializado en igualdade nos concellos de menos de 20.000 habitantes, explica a Deputación.
A base estratéxica deste traballo, concreta, é o Plan Provincial de Igualdade ‘Compartimos Plan 2019-2026’, que inclúe “un diagnóstico rigoroso da situación das violencias de xénero na provincia e establece 20 accións específicas, das cales xa se executaron máis do 87 por cento”.
Outras novas
“A Carreira da Muller”: repensando a solidariedade desde a diversidade
