O Centro Ágora acolleu este sábado a I Feira Saúde e Sociedade. Trátase dunha xornada aberta e participativa, organizada pola Universidade da Coruña, a través da súa unidade UDC Saudable, e o Concello da Coruña, para poñer en valor o papel da Universidade, das entidades sociais e do tecido asociativo na promoción da saúde, no benestar e na inclusión social da cidadanía.
O proxecto busca reforzar alianzas entre institucións públicas e o terceiro sector para construír unha resposta común ás necesidades de saúde e vulnerabilidade da contorna.
Na I Feira estiveron un amplo abanico de asociacións, entidades e recursos relacionados coa promoción da saúde, a prevención da enfermidade e o apoio social e a atención a colectivos vulnerables. Entre as organizacións presentes atópanse: Asociación Coruñesa de Epilepsia, Asociación Española Contra o Cancro (AECC), ASARGA – Asociación de Sarcomas Grupo Asistencial, Fundación INGADA – Instituto Galego do TDAH e Trastornos Asociados, QuerENDO – Mulleres con Endometriose, Axencia de Doazón de Órganos e Sangue (ADOS), ASFEDRO – Asociación Ferrolá de Drogodependencias, Dano Cerebral Galicia, Asotrame – Asociación Galega de Trasplantados de Medula Ósea, ENKI – Inclusión en movemento, ALCER Coruña – Asociación para a Loita Contra as Enfermidades do Ril, LRG – Liga Reumatolóxica Galega, FEGEREC – Federación Galega de Enfermidades Raras e Crónicas, SEDRA – Federación de Planificación Familiar Estatal, AGL – Asociación Galega de Linfedema e Lipedema, Espazo Compartido e UDC Saudable Universidade da Coruña.
Máis novas
O Centro de Baixa Esixencia de Labañou cumple un ano: “Un espazo de dignidade dentro da cidade”
