A día de hoxe, apenas un 8% das rúas da cidade levan nome de muller. E con esa premisa, a familia da Asociación de Veciños Oza – Os Castros – A Gaiteira lanza o proxecto Mulleres na Rúa (www.mulleresnarua.com), unha iniciativa comunitaria que busca visibilizar o papel das mulleres na historia, na ciencia, na cultura e nos movementos sociais mediante accións simbólicas no espazo público.

Para iso, propón a colocación de placas nas rúas en homenaxe a Mercedes Romero Abella e Marisol Soengas, reivindicando tamén o nome das rúas por mulleres como acto de xustiza social e histórica no barrio.

Pero ademais, do 24 ao 30 deste mes trae unha serie de actividades moi intesantes. O luns 24 o Forum acolle un encontro coa autora Eli Ríos. Para o martes 25, o local da entidade na Avda. do Exército 52 acolle un reunión de mulleres en clave de sororidade.

Xa o sábado 29, a partir das 13:00h, batucada feminista pola Travesía da Geiteira coa xente de Trópico de Grelos, homenaxeando a Marisol Soengas e a Mercedes Romero Abella coa instalación de placas na rúa co seu nome.

E xa para rematar, o domingo 30, concerto de Sofía Espiñeira, ás 19:00h no Forum.