A programación do Nadal da Coruña comeza este venres, día 28, co aceso por parte do ex xogador deportivista Bebeto. A mesma incluirá máis de 300 eventos como concertos, obras de teatro, festivais, visitas guiadas ou actividades infantís.
“Unha amplísima programación cultural e de lecer”, anunciou a alcaldesa da cidade herculina, Inés Rey, este luns durante a presentación da mesma.
Todo iso tras avanzar que a principal novidade é o mercado do Nadal que se abrirá na praza de María Pita este mesmo vernes, con dez postos de hostalaría e 31 comerciais.
O mercado abrirá as súas portas este mesmo venres e permanecerá aberto ata o venres 2
de xaneiro. O seu horario será de 11.00 a 15.00 e de 17.00 a 22.00 horas todos os días e ata as 23.00 horas os venres, sábados e véspera de festivo. Contará unha praza central cos
postos de hostalería nos que non faltarán produtos habituais desta época do ano, como os
churros, as crepes, o viño quente ou os gofres, mais tamén haberá postos de comida de
diferentes partes do mundo. Por outra banda, haberá unha gran variedade de postos
comerciais no mercado, con alimentación variada, menaxe, xoierías, produtos de artesanía,
complementos, roupa, decoración de Nadal…
Un dos postos será dedicado ás entidades sociais da cidade.
“Haberá animación durante todo o día e decoración de Nadal”, destacou para apuntar que haberá coros e panxoliñas, ademais dun concerto de Cantigas da Terra. A programación cultural chegará aos centros cívicos, ao Coliseum, Ágora, Fórum Metropolitano e asociacións veciñais, explicou.
Respecto á iluminación, concretou que “haberá case 3 millóns de luces led no medio millón de arcos repartidos polos diferentes barrios da cidade”. “O obxectivo é chegar de maneira máis equitativa ao maior número de rúas da cidade”, incidiu.
