O presidente da Xunta, Alfonso Rueda, manifestou que a variación “ínfima” do prezo do aluguer na cidade da Coruña, segundo se desprende dun informe do Instituto Galego de Vivenda e Solo (IGVS), demostra que a declaración de zona tensionada é “dogma e ideoloxía” e ten “pouco de eficaz”.

Rueda critica que a mínima variación de prezo (menos de medio punto) contrasta cun “descenso de máis do 50% de aluguer dispoñibles” respecto ao ano pasado, un feito que fala “ás claras” da ineficacia da medida e prexudica a quen busca vivenda.

O presidente lembrou que a Xunta autorizou a declaración advertindo que esta “non ía funcionar”. Por iso, Rueda pide agora que o Concello da Coruña asuma a responsabilidade do resultado da medida, xa que a Xunta segue pensando que o sistema “non funciona”.