A Policía Nacional abriu unha investigación tras o roubo dunha vintena de paquetes en senllas oficinas de Correos na Coruña, segundo informaron fontes policiais consultas por Europa Press. Un dos roubos produciuse na noite do 30 ao 31 de decembro e outro en días previos dese mesmo mes para o que se forzaron as fechaduras de ambos os locais.

Unha das oficinas está situada no barrio do Castrillón mentres que a outra é a situada na zona da Sardiñeira, precisaron as fontes consultadas. Por estes feitos, a Policía Nacional abriu unha investigación sen que por agora se coñeza o contido do material subtraído por parte dos responsables.