Vai collendo forma o ”delirio urbanístico” de Visma. Ese espazo que ben puido ser destinado a un parque público para o barrio da Agra do Orzán e Labañou, pero que acaba acollendo 3.600 vivendas un 25% de protección oficial), en forma de 28 edificios, algúns de 20 alturas.
Mentres avanzan as obras de urbanización das rúas, a Xunta de Goberno vén de dar a primeira licenza de construción para un edificio de 114 viviendas con terraza, un proxecto presentado por Visma Homes, do Grupo Arial, que prevé un investimento de 16,5 millóns na parcela Z4-R12LB, que conta cunha superficie de 3.100 metros cadrados no polígono.
Serán pisos a partir de 347.000€, nunha urbanización que contará con prazas de garaxe, rochos, oficinas e zonas comúns, segundo o plantexamento achegado pola promotora, que disporá de 6 meses de prazo para iniciar os traballos e dun total de 36 para completalos.
Máis novas
Así será o primeiro edificio da macrourbanización de San Pedro de Visma
