Esta pasada semana celebrábase a primeira poxa pública dun edificio afectado polo chamado Plan de Recuperación de Ruínas. Un plan de rehabilitación, anunciado en 2023, que permite que o Concello saque a poxa un inmoble cando a propiedade non actúe sobre el, obrigando ademais á nova propiedade a actuar con rapidez.
O Plan deixa varias cuestións ao grupo do BNG. A concelleira AviaVeira quere saber en que fase do plan se atopan os distintos inmóbeis afectados, a comezar polo da rúa Damas. “Resolvéronse as cargas pendentes coa Axencia Tributaria?” “Xa tivo lugar a venda forzosa?”, inquire.
Igualmente quere saber o estado doutros inmobles, como o do soar baleiro da rúa Herrador ou os do números 72, 130 e 202 da rúa Orzán, 4 da rúa Pastoriza, 140 da Rúa Santo André e 8 da rúa Santa Lucía.
A maiores destes inmóbeis -que son os que en principio están afectados polo plan de recuperación de ruínas- Veira pregúntalle ao Goberno Local se ten detectado algún outro edificio susceptíbel de ser incorporado a este programa.
