As obras de reparación da pasarela entre as estacións, situada no quilómetro 0,03 da avenida de Alfonso Molina AC-11, obrigará a cortar, desde este luns ás 22.00 horas e “previsiblemente” ata as 06.00 do xoves, dita vía entre os puntos 0 e 0,2. Un corte que afectará á vía só nese mesmo horario nocturno, segundo rectifica o gabinete de prensa do Goberno

Segundo informou o Ministerio de Transportes e Mobilidade Sustentable, os traballos consistirán no izado e retirada dun dos tramos da ponte que comunica as estacións de autobuses e de trens da cidade herculina e a colocación dun provisional.

Ante esta situación, para asegurar a fluidez do tráfico durante o operativo, habilitaranse dous desvíos alternativos “debidamente sinalizados”. En sentido descendente, os usuarios da AC-11 serán dirixidos cara á Rolda das Estacións, a través da cal poderán circular para entroncar novamente coa avenida de Alfonso Molina.
Mentres, en sentido ascendente, os usuarios da vía poderán acceder á cidade pola Rolda de Outeiro.