Máis de 300 persoas reuníronse este sábado en María Pita, para defender as Escolas Infantís da cidade. Fano tralo novo proceso de licitación da Rede Municipal que provocou o cambio de empresa xestora en 6 dos 8 centros.
As familias deron 3 voltas á praza, unha por cada reivindicación: Transparencia, Educación e Familia, como lembraron nun manifesto que pretendeu defender unha educación infantil de calidade e con futuro.
Defenderon “un modelo educativo que pon no centro ás nenas e aos nenos”, destacando que ”nestas escolas aprendimos como pais que educar de 0 a 3 anos non é simplemente coidar, e acompañar, crear vínculos, descubrir, aprender e medrar”. De aí a importancia das persoas, da confianza.
Destacaron a importancia que deberían ter as familias e as ANPAs no ensino 0-3, lamentaron non ter recibido información durante todo o proceso de licitación, e dubidan se as novas empresas multiservizos contarán coas familias igual que as anteriores empresas e cooperativas formadas por mestras.
Por todo iso reclamaron “Transparencia neste proceso de licitación, Que os criterios pedagóxicos e a experiencia teñan o peso que merecen; estabilidade para os equipos educativos e prazos axeitados à adaptación dos proxectos educativos. E, sobre todo, que as decisións sobre as escolas se tomen pensando no benestar dos nenos e nenas e na continuidade dos seus proxectos educativos”.
”Non queremos que os criterios económicos estean por riba dos educativos”, sentenciaron en clara alusión ao proxecto de adxudicación.
View this post on Instagram
