A Xunta aprobou a integración do Museo do Real Club Deportivo da Coruña no sistema galego de museos. En concreto, o Consello do Executivo autonómico deu luz verde a esta incorporación, dun museo que se estrea esta mesma tarde de martes 24 ás 19:30h. Tras varios meses de obras, o novo museo ocupa o lugar que anteriormente foi destinado ao ximnasio Zona Fit, debaixo da grada de Tribuna.
Faino por concibirse “como un espazo cultural, patrimonial e educativo ao redor da historia da entidade”, indica. O Museo convértese así no primeiro de carácter deportivo que se suma a esta rede da que, actualmente, forman parte 98 espazos en toda a Comunidade.
A colección do museo componse de máis de 200 pezas que forman parte do discurso expositivo inicial e de 2.000 obxectos de distinta natureza como trofeos, indumentarias, fotografías ou material audiovisual.
A Xunta incorporará o Museo do Real Club Deportivo no seu sistema galego de centros museísticos, a rede impulsada polo Goberno galego e que aglutina museos, coleccións e centros de interpretación tanto de titularidade pública como doutras administracións ou entidades privadas para fomentar a coordinación, conservación e difusión.
View this post on Instagram
