Filtraba onte o Concello a varios medios da cidade como vai ser o vindeiro vindeiro contrato dos cursos Culturais do Programa de Lecer. Un contrato por varios anos, cun investimento de 1,3 millóns que se intentará licitar para poñer en marcha a partir do mes de setembro.
Pero mentres, quedan 5 días lectivos para que comece o mes de abril e nin os 70 docentes nin os 3.000 usuari@s saben nada da promesa lanzada a semana pasada da reanudación a comezo do mes de abril.
Ante esta situación, tanto o colectivo de educadores como a Comisión formada polos usuarios, critican que seguen “agardamos respostas concretas e directas do Concello, tanto para o profesorado como para os usuarios”. Fano despois de pedir en innumerables ocasións reunións cos representantes municipais, tanto da Concellería de Cultura como do IMCE, tendo en conta que nin sequera recibiron aínda información algunha desa teórica reanudación inminente dos cursos.
O colectivo de docentes, ante esta continuada situación de desinformación, quere clarexar varios puntos:
- 1. Durante os moitos meses que a empresa Serviplus deixou de pagar aos instrutores, o Concello permaneceu inactivo á hora de tomar as medidas necesarias para resolver o problema, ata o 23 de decembro, cando se celebrou unha reunión no Foro de Usuarios coa asistencia de instrutores. A reunión foi presidida pola Concelleira de Cultura e outros representantes do Concello.
- 2. Nesa reunión, a Concelleira presente comprometeuse a pagar aos instrutores, a retomar os obradoiros e tamén a consultar as novas especificacións cun comité de instrutores do programa (este último compromiso foi ratificado na sesión do Concello do 12 de febreiro). Todo isto canto antes.
- 3. A día de hoxe, algúns profesores aínda non cobraron, os obradoiros non comezaron e os profesores non foron informados das novas condicións.
- 4. O 23 de xaneiro, os usuarios presentaron unha carta no rexistro do Concello, acompañada de numerosas sinaturas, solicitando unha reunión co director do IMCE. Non se recibiu resposta, mesmo despois de reiterar a solicitude por correo electrónico.
- 5. O 18 de marzo, celebrouse unha reunión no Forum para proporcionar a información máis recente sobre o programa. Os representantes do Concello foron convidados (pero non asistiron). Nesta reunión, acordouse formar un comité de usuarios para solicitar unha reunión co alcalde.6. O luns 23, o comité de seis representantes de usuarios foi ao Concello pero non puido reunirse co alcalde. Polo tanto, presentouse unha carta no rexistro solicitando a reunión. Ata o día de hoxe, non recibimos resposta.
Máis novas do conflito
O Concello asegura que os cursos culturais do Programa de Lecer volverán en abril
