InicioA CORUÑAUn premio de deseño para honrar a figura de Luís Seoane

Un premio de deseño para honrar a figura de Luís Seoane

Publicada o

Por europapress

A Deputación da Coruña e a Fundación Luís Seoane formalizaron este luns un convenio de colaboración para o desenvolvemento das actividades complementarias do Premio Luís Seoane de Deseño, un dos galardóns culturais que convoca regularmente a institución provincial coruñesa para promover o talento artístico.

O acordo, asinado polo presidente provincial, Valentín González Formoso, e o presidente da Fundación e concelleira de Cultura da Coruña, Gonzalo Castro, ten como obxectivo fixar a proxección do premio a través da organización dunha exposición sobre a traxectoria das persoas ou entidades gañadoras da última edición, así da edición dunha publicación específica dedicada ao seu percorrido profesional.

O presidente da Deputación destacou que este convenio permite seguir impulsando o talento creativo e o deseño como ferramentas de innovación e desenvolvemento cultural, á vez que recoñece a figura de Luís Seoane, un dos grandes referentes da cultura galega contemporánea.

A Fundación Luís Seoane, entidade de referencia na difusión da obra e pensamento do artista, colaborará achegando ao seu espazo expositivo, asesoramento especializado e a organizaicón de actividades complementarias como visitas guiadas, conferencias ou accións divulgativas.

Pola súa banda, a Deputación asumirá a coordinación das exposicións e os custos asociados á súa produción, incluíndo a montaxe, transporte, seguros e edición da publicación, garantindo así o correcto desenvolvemento das actividades previstas. O convenio enmárcase na liña de apoio á cultura e á creación artística que impulsa a Deputación, que convoca anualmente o Premio Luís Seoane de Deseño como recoñecemento ao talento e á innovación no ámbito do deseño, contribuíndo á súa difusión e posta en valor do talento creativo da provincia.

ÚLTIMAS

(Vídeos) – Histórica manifestación na Coruña pola vivenda con máis de 30.000 persoas nas rúas

73 minutos. Ese foi o tempo que tardou en pasar toda a manifestación unitaria...

Os tres grupos aproban por unanimidade apoiar ás 50 familias afectadas polos 8 edificios comprados por fondos boitre

Importante (haberá que ver se se traduce en feitos) o acordo ao que chegaron...

A Xunta di non ter constancia de “tantas queixas” co problema de buses na Intermodal da Coruña

O conselleiro de Presidencia, Xustiza e Deportes, Diego Calvo, admitiu posibles "desaxustes" nalgún servizo...

O goberno local da Coruña manterá a conxelación de taxas e tributos o próximo ano

O goberno local da Coruña ten previsto manter as taxas e tributos municipais sen...