O auditorio do Centro Cívico Cultural de Arteixo acolleu este domingo o XXVI Concurso de Música Tradición de Xiradela no que tomaron parte preto de 40 grupos chegados de 20 agrupacións de diferentes lugares de Galicia.

Preto de 300 pandeireteiros e pandeireteiras pasaron polo escenario cantando coplas de lugares como Limiñoa, Montemaior, Piornedo, Avión ou Anxeriz. A música popular galega foi protagonista dunha xornada que tivo quenda de mañá e tarde. Soaron instrumentos de percusión como pandeiretas, pandeiros, pandeiras, pratos, cunchas, trepias, botellas e latas.

Así, ao longo deste domingo unhas 1.000 persoas foron pasando polo auditorio arteixán cunha gran rotación de público. Nesta cita do ano 2026 participan agrupacións chegadas de lugares como A Coruña, Ames, Boimorto, Carballo, Coirós, Compostela, Lugo, Ponteareas, Ponteceso, Rianxo, Sada, Sanxenxo, Teo, Trazo ou Vigo, entre outros.

Os premios foron para:

CATEGORÍA A

• 1º premio: trofeo e 300 € – Teceláns da A.C.F. O Fiadeiro de Vigo
• 2º premio: trofeo e 200 € – Ardora A.C. Xacarandaina da Coruña
• 3º premio: trofeo e 100 € – Grupo E da A.F. Cantigas e Agarimos de Compostela
• Premio ao mellor vestiario: trofeo – Picariñas da A. M. B. T. Vai de Roda

CATEGORÍA B

• 1º premio: trofeo e 300 € – Xoaniñas da A.C. Xacarandaina da Coruña
• 2º premio: trofeo e 200 € – Titiriteiras da A.C.F. Tarambainas de Vigo
• 3º premio: trofeo e 100 € – Moreniñas da A.M.B.T. Vai de Roda de de Rianxo
• Premio ao mellor vestiario: trofeo – Titiriteiras da A.C.F. Tarambainas de Vigo

CATEGORÍA C

• 1º premio: trofeo e 400 € – Laretas da A.C.F. Tarambainas
• 2º premio: trofeo e 200 € – Areíñas da A.C. Soalleira
• 3º premio: trofeo e 100 € – Falangueiras da A.C.F. O Fiadeiro
• Premio ao mellor vestiario: trofeo – Laretas da A.C.F. Tarambainas

CATEGORÍA D

• 1º premio: trofeo e 500 € – Tarambainas da A.C.F. Tarambainas
• 2º premio: trofeo e 300 € – Grupo A da A.C. Retranqueiros
• 3º premio: trofeo e 200 € – Garuleiros da A.C. Donaire
• Premio ao mellor vestiario: trofeo – Argalleiros de Xacarandaina

Ana García (Agrupación Cantigas e Agarimos ou Brincadeira), Violeta Piñeiro (mestra de canto e pandeireta e socia-fundadora das pandeireteiras Lina e Lola, e parte da Asociación Cultural Lembranzas da Ría e de Cantigas e Agarimos) e Ricardo Graíño (bergantiñán dos Pandeireteiros do Alprende , e do grupo Fouleada de Mazaricos) foron o xurado

XIRADELA

A Asociación Xuvenil Xiradela, radicada no concello de Arteixo, nace no ano 1982 co obxectivo de recuperar o noso folclore e gozar do tempo de lecer, así como de colaborar con outras asociacións ou entidades que lle permiten, por un lado difundir o seu traballo, e por outro, axudan a promover a socialización da rapazada con xente doutras asociacións.