O portavoz do grupo municipal do PP no Concello da Coruña, Miguel Lorenzo, avanzou que esta formación levará ao próximo pleno municipal “as chapuzas de Inés Rey” en relación a obras municipais en distintos barrios da cidade. Lorenzo anunciou dúas iniciativas que levará ao pleno ordinario do 7 de maio sobre as “chapuzas” cometidas polo goberno local que en diferentes obras que conlevan “graves consecuencias que sufrimos os coruñeses: a nova parada de buses na rúa de Correos e a rúa Alcalde Marchesi”.
Ademais dos problemas na nova parada de Correos, o PP tamén fará unha pregunta oral pola rúa Alcalde Marchesi para saber por que “Inés Rey tardou catro anos en atender a multitude de queixas pola gran chapuza que fixo nesta rúa”, sentenciou.
Mentres, a rexedora socialista, a preguntas dos medios de comunicación sobre as manifestacións do edil popular, instoulle a facer unha oposición “seria”.
“Unha oposición que eu poida rebater, alguén critica que unha obra está inacabada cando se está executando”, expuxo en alusión a obras en marcha como a dos Cantóns e en resposta ás críticas dos populares.
Máis novas
Denuncian o caos na nova parada de bus metropolitano entre o Colón e Correos
