O Encontro Mundial de Humorismo (EMHU) superou o seu ecuador e fíxoo co humor de Yúnez Chaib, entre outros. O guionista, cómico e actor nado en Melilla, habitual en La Revuelta, aproveita moi ben as súas raíces árabes para sacarlle punta ao racismo, utilizando o humor para desmontar bulos e prexuízos, ríndose ata de si mesmo.
O espectáculo de Chaib, xunto co do Faco Díaz vivido na xornada sabatina, denotan unha liña de humor progresista e antiracista que tanta falta fai a día de hoxe na nosa sociedade.
O que vén
Estes xoves, a risa continúa coa estrea en Galicia de Estoy como nunca, o novo espectáculo de La Forte, e a proxección gratuíta da comedia Sujétame el cubata, protagonizada por JJ Vaquero e na que aparecen figuras como Patricia Conde, Goyo Jiménez, Fernando Albizu ou Luis Piedrahita.
A película, inspirada na vida de Vaquero e no bar que este tiña en Valladolid, poderase ver de balde -entrada libre ata completar a capacidade da sala- nos Cantones Cines a partir das 19:30 horas. Ao finalizar, celebrarase un coloquio co protagonista e con Piedrahita.
As últimas entradas están dispoñibles na web oficial www.emhu.es.
PROGRAMACIÓN EMHU 2026 · XOVES 30 DE ABRIL
Até o 12 de setembro, de luns a venres de 17:30h a 20:30h e sábados e festivos de 12:00h a 14:00h e de 17:30h a 20:30h. Visitas guiadas os días 28, 29 e 30 ás 18:00h na Sede Afundación para a Exposición Comedy Wildlife.
30 de abril, 19:00h | Sede Afundación
Estoy como nunca, con La Forte (estrea en Galicia)
30 de abril, 19:30h | Cantones Cines
Sujétame el cubata. Proxección e coloquio con JJ Vaquero e Luis Piedrahita
Para venres 1, sábado 2 e domingo 3 de maio, o festival chega ao seu cumio, cunha oferta variada para todas as idades, concluindo o domingo 3 coa gala Fantastic Colofon, conducida por Luis Piedrahita, Eva Hache e JJ Vaquero.
