A compañía aérea Binter puxo en marcha o reforzo da súa programación entre A Coruña e Canarias coa incorporación dunha nova frecuencia semanal, que operará os venres co aeroporto de Gran Canaria, ofrecendo desde hoxe un total de cinco conexións á semana entre ambos os destinos durante a tempada de verán.

A nova frecuencia súmase ao catro que a compañía xa viña operando regularmente. Desta forma, os viaxeiros poden voar entre A Coruña e Canarias os mércores, venres e domingos, a través do Aeroporto de Gran Canaria, así como os martes e sábados, mediante o Aeroporto de Tenerife Norte.

“Unha das vantaxes diferenciais desta operativa é que os pasaxeiros poden chegar polo mesmo prezo a calquera dos aeroportos do arquipélago grazas aos voos interinsulares en conexión gratuítos que ofrece Binter”, sinala. “Esta posibilidade apóiase na ampla rede de conexións da aerolínea, que realiza ao redor de 220 traxectos diarios entre as distintas illas canarias”, engade.