Agroman os edificios como cogumelos no barrio de Xuxán, e por fin as infraestruturas se van adaptando. Esta mañá de luns 22 de xuño chegaba o primeiro bus urbano ao centro do novo barrio, integrándose así na rede municipal de transporte urbano da Coruña.
A liña 4 completou o seu primeiro percorrido ao longo do barrio, que pasa a integrarse na rede municipal sumando tres novas paradas de autobús, xa operativas: dúas, na avenida das Fresas e unha terceira na avenida de Xuxán.
A alcaldesa, Inés Rey, formou parte desta primeira viaxe da liña 4 en dirección a Xuxán, que mantén o seu trazado habitual, con paso previo pola avenida de Monelos, antes de acceder ao barrio a través da rúa da Canteira.
En paralelo, o Concello tamén avanzou na implantación de melloras na mobilidade do barrio, coa posta en servizo das súas primeiras bases de BiciCoruña, habilitadas a finais do ano pasado.
Máis novas
Xuxán, Meicende, Os Mallos e Monte Alto estrearán 6 novas estacións de Bicicoruña
A Coruña avanza na construción de 50 novas vivendas para aluguer social no barrio de Xuxán
