Este pasado xoves, o programa sobre os deportes motor SKPMotor da Cuac FM tivo un par de invitados estelares. Nos estudios principais da Zapateira estivo o piloto Aitor Fornos, gañador do Slalom de Sarria, a segunda carreira do Campionato Galego celebrada o pasado sábado 13 de xuño. Fornos é un piloto habitual da competición e superou a Anxo Lariño por só dúas décimas de segundo; Pablo Castro acabou en terceiro lugar.
Aitor e Pablo comparten o mesmo coche, un Citroën AX branco. Aitor é un apaixonado dos deportes de motor. Participou en rallies co seu Peugeot 206 e hai un par de anos comprou un Seat Panda para ir a Marrocos e “sufrir” no Raid de Chatarras.
Tamén pasou polo programa Luís Carré, que reside actualmente en Barcelona. Luis traballa como comisario voluntario no Circuíto de Fórmula 1 de Barcelona e a fin de semana pasada pasou o seu tempo como “Bombeiro” no pit lane durante a carreira do Campionato do Mundo de Fórmula 1, que, por certo, gañou o piloto inglés Hamilton co Ferrari.
Luis contou en que consiste o seu traballo durante unha fin de semana de carreiras, xa sexa de Fórmula 1 ou de MotoGP.
Ademais, a tortilla foi cortesía do Restaurante O Carrusco na rúa Corcubión – A Coruña.
Podes escoitar o programa cada xoves ás 23:00h no 103.4FM, ou tamén escoitar o programa ou acceder a todos os seus programas no seu espazo en www.cuacfm.org. E tamén podedes seguir tamén a través das redes sociais en Facebook e Instagram @escapemotor.cuac. Podedes velos tamén xa a través do Youtube:
SKPMotor: 400 programas achegando a realidade do motor galego ás ondas de CUACFM
