O artista Pablo Alborán ofrecerá un concerto o próximo 4 de xullo, ás 22.30 horas, no Coliseum da Coruña, dentro da súa xira ‘Global Tour Km0’. “Cunha coidada posta en escena, acompañada dun potente despregamento audiovisual e sonoro que converte cada concerto nunha experiencia totalmente única“, sinala a organización.

Respecto diso, engade que o público asistente poderá vivir “desde momentos máis enérxicos con temas como ‘Si Quisieras’ ou ‘Vámonos de Aquí’, ata baladas especialmente emotivas como ‘Planta 7’ ou ‘Mis 36’, interpretadas ao piano e acompañadas dunha proposta visual e iluminación impecables”, engade.

As entradas dispoñibles están á venda en pabloalboran.es; Ataquilla.com e despacho de billetes praza de Ourense con prezos que oscilan entre os 40 euros e os 120 euros, no marco dun concerto organizado por GTS e Cávea Producións, coa colaboración do Concello da Coruña.